Қалдықты табуға берілген құрама есептерді шығару. Математика, 2 сынып, сабақ жоспары.

Пән:

Ұзақ мерзімді жоспар бөлімі:

4A бөлім – Шамалар. Есептер

Мектеп: Талдықорған қаласының физика-математика бағытындағы Назарбаев Зияткерлік мектебі

Күні: 20.04.18

Мұғалімнің аты-жөні:Кудабаева А.К

Сынып: 2А

Қатысқандар саны:

Қатыспағандар саны:

Сабақ тақырыбы

Қалдықты табуға берілген құрама есептерді шығару

Осы сабақта қол жеткізілетін оқу мақсаттары

2.5.1.3 Есептерді талдау және шешу: бірдей қосылғыштар қосындысын табу; құрамы бойынша бөлу және тең бөлікке бөлу/ санды бірнеше есе арттыру/кеміту/ еселеп салыстыру/ тіктөртбұрыштың (шаршының) қабырғалары мен периметрін табу/ тура және жанама сұрақтары бар есептерін талдау және шешу/ кері есептер құру және шешу.

 Сабақ мақсаттары

Қалдықты табуға берілген құрама есептерді шығару.

 Бағалау критерийлері

• Қалдықты табуға берілген құрама есептерді шығарады.

 Тілдік мақсаттар

Қалдықты табуға берілген есеп, өрнек құрастыру, тура және жанама сұрақтар.

 Миссия және пайымдау

Алған білімдерін өмірде қолдана алады.

Жаһандық азаматтық

Тақырыпты түсінбеген сыныптастарына түсіндіру, көмек беру.

 Құндылықтарды дарыту

Достыққа тәрбиелеу, басқаны құрметтеу және бәсекелестікке дайын болу.

 Пәнаралық байланыстар

Өнер, АКТ пәндерімен байланыстыру.

Бастапқы білім

Есепті талдайды, шеше алады.

Сабақ барысы

Сабақтағы жоспарланған іс-әрекет

І.Ұйымдастыру бөлімі.

Сабаққа психологиялық дайындық

Үй тапсырмасын тексеру

Қызығушылықты ояту. «Ойлан,тап!»

Ойын. Кеспеқағаздардан сандарды көрсету нәтижесін ламинатталған қағазға жаздыру.

9 саны 36- дан қаншаға кем?

36cаны9 –дан қанша есе артық?

9cаны36 –дан қанша есе кем?

28 cаны 7 –ден қаншаға артық?

Жауабын тақтада шығару. Өзін-өзі тексеру.

Сабақтың тақырыбы мен мақсатын таныстыру.

Қалдықты табуға берілген құрама есептерді шығарады.

Дескриптор:

-есептің шартын жазады;

-есептің сұрағын көрсетеді;

-есепті шешу өрнегін құрастырады;

-есептеуді дұрыс жүргізеді;

-есептің жауабын жазады.

Топпен жұмыс.

«Қараторғайларға арналған ұя» тапсырмасы

Жөндеу керек- 13 ұя

Жөндеді – 3 *4 ұя

Қалғаны- ? ұя

Шешуі:

1) 3 * 4=12 (ұя)

2) 13- 12=1 (ұя)

Жауабы: 1 ұя қалды.

Топтар бірін- бірі бағалайды.

Дифференциация

Есепті бір өрнекке салып шығар

Шешуі:

13- 3 * 4=1 (ұя)

Жауабы: 1 ұя қалды.

Жұптық жұмыс.

«Шығарып көр» тапсырмасы

а) Болды- 8*4 ұя

Қоныстанды – 15 ұя

Қалды- ? ұя

Шешуі:

1) 8*4=32 (ұя)

2) 32- 15=17 (ұя)

Жауабы: 17 ұя қалды.

ә) Болды- 8*4 ұя

Қоныстанды- ? ұя

Қалды – 17 ұя

Шешуі:

1) 8*4=32 (ұя)

2) 32- 17=15 (ұя)

Жауабы: 17 ұяға қоныстанды.

Бұлар- өзара кері есептер.

Жұптар бірін- бірі тексереді және бағалайды.

Сергіту сәті

Қалыптастырушы бағалау

Есепті шығару өрнегін жаз.

Болды- 30 ж. Салды- .... Қалды-? ж.

«Ойлан» тапсырмасы

Сурет бойынша есеп құрастыру

Мұғалім бағалауы.

Қорытынды

-Бүгін біз не үйрендік?

- Біз берілген есептің Қалдықты табуға берілген құрама есеп екенін қалай ажыратамыз? /Есептің сұрағына қараймыз/

Үйге тапсырма: Жұмыс дәптері 34-бет.

Кері байланыс.

Бүгінгі сабаққа әркім өзінің қалай қатысқанын «Ұя» суреті арқылы бағаласын.

- бәрін түсіндім.

- түсінбеген сұрақтарым бар.

- бүгінгі сабақты түсінбедім.

Кім сабақты түсінді?

Кімде сұрақ бар?

Кім сабақты мүлде түсінбеді?

Дифференциация –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Қабылдау деңгейі жоғары оқушылар үшін тапсырманы күрделендіру:

Қабілеті жоғары оқушылар ойлауға берілген мәтіндік есептерді өз бетінше оқып, шеше алады.

Оқушылардың жеке жұмыстарын бағалаймын.

Сергіту сәттерінде, белсенді жұмыс түрлерін өткізуде қауіпсіздік техникасын сақтау