Ою-өрнектің қысқаша тарихы мен түрлері. Қазақтың ұлттық ою-өрнектері (түрлері, стилизация мен мотивтері). Көркем еңбек (қыздар), 5 сынып, сабақ жоспары.

Оқушылардың ойына шабуыл жасау мақсатында олар үшін таныс емес видеобейне көрсетіледі. Видеобейне көрсетіліп болған соң, бүгінгі өтілетін тақырыппен оқу мақсатының қандай екендігін біліп алу үшін «Бояуды қуып жет » деген белсенді оқыту әдісін қолданып,сабақтың тақырыбымен мақсатын ашып аламыз. Ойында екі түрлі түстегі бояу беріледі.Бірі сары түс, екіншісі қызыл түс.

Сары гуашь видеобейне туралы сұрақ қойса, екінші бояу яғни қызыл гуашь жауап береді. Қойылатын сұрақтар төмендегіше болуы мүмкін:

• Қандай ұлттық ою-өрнек атауларын білесіздер?
• Кілем тоқымашылығында және киім үлгілерінде ою-өрнектердің қандай түрлері қолданылады?
• Ою-өрнектерді жасаудың қандай тәсілдерін білесіздер?
• Ою-өрнек өнері саласында жұмыс істейтін Қазақстан суретшілері мен қолөнершілерін атаңыздар?

Осы сынды сұрақтарға жауаптар да айтылып, соңғы нәтиже біз сабақтың тақырыбымен сабаққа қойылған мақсаттарға оқушылармен бірге келеміз::

Сабақ тақырыбы: Ою-өрнектің қысқаша тарихы мен түрлері.Қазақтың ұлттық ою-өрнектері (түрлері, стилизация мен мотивтері).

Осы сабақта қол жеткізілетін оқу мақсаттары:

• Қазақтың ұлттық ою-өрнектерін зерттейді (ою-өрнек түрлері, мотивтері, қазақ халқының шығармашылығындағы ою-өрнек композициясының ерекшеліктері).
• Оқушылар қазақ және ҚР басқа халықтарының сәндік-қолданбалы өнерінің негізгі түрлерімен танысады.

Оқушылар сабақ тақырыбы және осы сабақ барысында жетуіміз керек болатын оқу мақсатымен танысып болған соң, оларды 4 топқа біріктіру үшін, 1.2,3,4 деп санатамын да, алдын- ала столдармен парталарды 4 ке біріктіріп қойып, парта беттеріне 4 түрлі түсті қағаздардан кювертка жасап қоямын,сонымен 1-ші топтар-қызыл қағазды партаға, 2-ші топтар – жасыл қағазды партаға,3ші топ көк түстіге барса, 4-ші топ жасыл кюверткалы партаға жайғасады. Парта бетінде дайындалған ноутбук болады.Топпен зерттеу жсайды.Зерттеу үшін төмендегіше сұрақтар қойылады.

«Сұрақ –жауап» арқылы бағалау критерийлерін қоямыз :

* Қазақстан және әлем халықтарының СҚӨ-і туралы зерттеу жүргізеді;

* Қазақ халқының ою-өрнектерін зерттейді;

*Мәліметті толық зерттеп, әдемі форматта ұсына алады;

*Таныстырылымды өте жоғары деңгйде жүргізеді;

Оқушылар төрт топта зерттеу жұмысын жүргізеді. Постерге топпен зерттеулері бойынша әдемі етіп, безендіріп шығады. Тапсырмаға берілген критерийлер бойынша, постерлерге мәліметті әдемі етіп безендіріп, таныстырып шығады. Қалған топтар таныстырылымды жапсырма қағаздарға бағалап шығады.

Бағалауға қойылатын талаптар:

• Жақсы, мықты тұстарын айту;
• Сын айтқымыз келсе, көмектесу мақсатында ұсыныс,сұрақ ретінде айту;

Зерттеу бойынша, балалар ою түрлерін зерттеп, сол ою-өрнектің бір түрін сурет дәптердің бетіне түсіруі керек, жасалынған нобай бойынша қыздар тәжірибелік іске кірісулері қажет:

• Қазақтың ұлттық ою-өрегінің бір түрін қағаз бетіне түсіру;
• Симметрия заңдылығын ұстанады;
• Фетр материалын пайдаланып, өрнекті қырқып алады;
• Кесіп алынған өрнекті мата бетіне түсіріп, жастықша дайындайды;
• Қауіпсіздік ережесін ұстанады;

Оқушылар тәжірибелік жұмысты аяқтап болған соң, қалыптастырушы бағалауға сәйкес өздерін-өздері бағалайды..

Дифференциациялық тапсырма ретінде деңгейі төмен оқушылар төмендегі тапсырманы орындайды:

1.Оқушылар зерттеу жүргізіп, дереккөздерден алып, белгілі-бір ою-өрнектерді алып, көшірме жүргізеді;

Оқушылардың ішінде деңгейі жоғары оқушылар зерттеу жұмыстарын жүргізу нәтижесінде өз ойынан ою-өрнектің бір түрін ойлап тауып, сол бойынша іс-тәжірибелік жұмысқа сай жастықша жасап шығуы керек.