Топтағы шығармашылықты дамытуға бағытталған ойындар. Дене шынықтыру, 3 сынып, дидактикалық материал. 73 сабақ.

№73 сабаққа арналған дидактикалық материалдар және керекті құрал-жабдықтар.

№ 6 бөлім: Топтық ойындар элементтері

Тақырып: Топтағы шығармашылықты дамытуға бағытталған ойындар

Тақырыпқа сай іс-әрекеттер:

Оқушы сабақтың басынан мұғалім айтқан ережелерді ескере отырып, мақсатқа сай тапсырмаларды мұқият орындауы қажет.

Кіріспе бөлімде қауіпсіздік ережелерін мұқият есте сақтап, денені қыздыру жаттығуларын орындайды. Жалпы дамыту жаттығуларын орындауда мұғалім айтан нұсқаулықтарды ескере денені созу жаттығуларын орындайды.

Негізгі бөлімде оқу мақсатына сай іс-әрекеттер жасайды. Мұғалім берген тапсырмалар немесе қимыл-қозғалыс ойынын ережемен ойнау қажет. Құрал-саймандармен жұмыс жасауда мұқият болу керек.

Сабақтың қорытынды бөлімінде өткізілген сабаққа қорытынды жасап, кері байланыс беру қажет.

Бағалау: Оқушылар тарапынан берілген ақпаратқа мадақтау арқылы қолдау көрсету.

Негізгі бөлім: «Топтағы шығармашылықты дамытуға бағытталған ойындар»

Оқушыларға топта ойын кезіндегі қауіпсіздікті ескерту. Бір-бірлерінің ойын тыңдап, идеялармен бөлісуді дағдыландыру. Түрлі тапсырмаларды орындау кезінде қолайлы оқу ортасын құрып, шығармашылық қабілеттерін дамыту. Ойын кезінде құрал-жабдықтармен мұқият жұмыс жасауды үйрету.

«Шарды ұр» ойынын ойнату

Оқушылар жұптасып бір-біріне 15-20 м арақашықтықта қарама-қарсы тұрады. Осы арақашықтықтың ортасында шығыршықтың ішінде үш кішкентай 150г доптар (немесе жеңіл шарлар) болады. Оқушылардың мақсаты қолдарындағы доппен түзу ұрып, шарларды шеңберден шығару. Оқушылардың дәлдікті көздеу қабілеттерін арттыру мақсатында ойынды бірнеше рет ойнатуға болады.

Дискриптор:

• Ойында ережені мұқият ұстанады;
• Көшбасшылық қабілетін көрсете алады;
• Дәлдік, мергендік қабілеттерін көрсете алады.

«Кім жылдам секіреді?» ойынын ойнату.

Оқушылар шеңбер бойына ара қашықтық сақтап тұрады. Ортаға ойын жүргізушісі сайланады. Оның міндеті: секіртпе жіпті ойыншылардың аяғының астынан айналдырады. Ойыншылардың міндеті секіртпеден секіріп (қос ақпен немесе бір аяқпен) отыру. Егер кімнің аяғына секіртпе тисе, сол ойыншы ортағы шығып ойын жүргізетін болады.

Дискриптор:

• Ойында ережені мұқият ұстанады;
• Шапшаң қимылдап, жылдам іс-әрекет жасайды;
• Шығармашылық қабілеттерін көрсете алады.

Қорытынды жасау. Бағалау.

Ойын аяқталған кейін, ойынды қорытындылау. Яғни, ойын барысындағы кемшіліктерді, қателіктерді ортаға салу. Оқушылардың іс-әрекетін, шағырмашыл қабілеттерін бағалау. Мақтау, мадақтау сөздері арқылы оқушыларды ынталандыру, қызығушылықтарын ояту.

Сұраңыз: Қандай ойындар сіздердің көңіл күйілеріңізге және өздеріңізді сергек сезінуге көмектеседі?

Қалыптастырушы бағалау сабақ барысында қалай жүргізіледі.

Оқушылармен тақырыпқа сай іс-әрекет жүргізу барысында, тапсырманы орындауда әр кез қалыптастырушы бағалау жүргізу. Тапсырманы орындауда қателіктерді айтып, үнемі кері байланыс беріп отыру. Оқушылар тапсырманы орындау кезінде мақтау, мадақтау сөздерін айтып, ынталандырып, талпындырып отыру. Оқушыларының өздері арасында шағын топтармен жұмыс барысында өзара бағалау жүргізіп, бір-бірін бағалауға дағдыландыру. Тапсырманы немесе қандай да бір қимыл-қозғалыс ойыны ойнатып болғаннан кейін, ашық сұрақ-жауап арқылы оқушылардың тапсырманы орындауда қандай дағдылары дамығанын немесе қандай қиыншылықтар кездескендігі бойынша да кері байланысты үнемі жүргізіп отыру қажет.

Керекті құрал-жабдықтар

ысқырық дартс, дротик

доптар жеңіл доптар

кеглилер кәрзеңке

секіртпе кіші доптар

шығыршықтар

секіртпе қапшығы