Халықаралық актілер негізінде Қазақстан Республикасы азаматтары құқығының жүзеге асырылуы. Құқық негіздері. 11 сынып, дидактикалық материал.

Қосымша 2

ҚР ӘМ халықаралық құқық және ынтымақтастық департаменті туралы ереже

Халықаралық құқық және ынтымақтастық департаменті туралы ереже

Халықаралық құқық және ынтымақтастық департаменті (бұдан әрі – Департамент) Қазақстан Республикасы Әділет министрлігінің (бұдан әрі-Министрлік) құрылымдық бөлімшесі болып табылады.

Департамент өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.

Департаменттің құрылымын, штат санын Қазақстан Республикасының заңнамасында белгіленген тәртіппен Министрліктің Жауапты хатшысы бекітеді.

Департамент үш басқармадан тұрады:

1) екіжақты халықаралық шарттар жобаларын сараптау басқармасы;

2) ҰҚШҰ, ШЫҰ, ТМД халықаралық шарттар жобаларын сараптау басқармасы;

3) ынтымақтастық басқармасы.

Міндеттері:

1) Республиканың дүниежүзiлiк қоғамдастықтағы беделiн нығайту және оның ұлттық мүдделерін қорғау мақсатында халықаралық аренада Қазақстанның қызметін құқықтық қамтамасыз етуге қатысу;

2) Қазақстан Республикасы әділет министрлігінің біліктілігі және халықаралық шарттардың заң сараптамасы және Қазақстан Республикасы нормативтік құқықтық актілері шеңберінде экономикалық интеграция мәселелерін қоспағанда екіжақты және көпжақты сипаттағы халықаралық шарттардың жасалуы, орындалуы және тоқтатылуы мәселелері бойынша қорытындыларына дайындық.

Функциялары:

1) Қазақстан Республикасының заңдарына сәйкес шет мемлекеттермен құқықтық көмек және құқықтық ынтымақтастық туралы халықаралық шарттарды дайындау, жасасуды және орындауды ұйымдастыру;

2) Қазақстан Республикасының кепiлдiгiмен жасалатын заем шарттарына заң сараптамасын жасау;

3) Халықаралық шарттарға сәйкес шет мемлекеттердiң сот тапсырмалары мен өтiнiштерiн орындау;

4) Қазақстан Республикасы мен шет мемлекеттердiң заңдарын үйлестiру, бiр iзге түсiру, сондай-ақ Қазақстан таныған халықаралық нормаларды Қазақстан Республикасының заңдарына имплементациялау мәселелерi бойынша талдау жүргiзу;

5) Халықаралық шарттардың жобаларына заң сараптамасын жасау.

БҰҰ-ның Адам құқықтары жөніндегі кеңесінің жұмысы шеңберінде әрбір төрт жыл сайын БҰҰ-ға мүше мемлекеттердің Адам құқықтары мен бостандықтары саласындағы міндеттемелер мен міндеттерді орындауына тұрақты шолу жүргізіледі. Департамент мемлекеттік органдардың Әмбебап кезеңдік шолу шеңберінде деректер ұсынымдарын орындау бойынша қызметін үйлестіреді, сондай-ақ Ұлттық баяндаманы дайындау бойынша жұмыс жүргізеді.

Сонымен қатар, департамент БҰҰ-ның азаматтық және саяси құқықтар туралы халықаралық пактының Қазақстан Республикасының орындаруы туралы Ұлттық баяндаманы дайындауды және қорғауды жузеге асырады.

https://www.gov.kz/memleket/entities/adilet/documents/details/1186?lang=kk // 28 қазан 2019 жарияланған.

Қазақстандық делегация БҰҰ Адам құқықтары жөніндегі кеңесінің отырыстарына қатысты

Сыртқы істер министрі Мұхтар Тілеуберді бастаған қазақстандық делегация Адам құқықтары жөніндегі БҰҰ Кеңесінің жоғары деңгейдегі сегментінің отырыстарына және Қарусыздану жөніндегі конференцияға қатысты. Бұл туралы СІМ баспасөз қызметі хабарлады.

БҰҰ-ның 75 жылдығы кезеңінде өтіп жатқан адам құқықтары жөніндегі сегментке БҰҰ Бас хатшысы Антониу Гутерриш, БҰҰ Бас Ассамблеясының Төрағасы Тиджани Мухаммад-Банде, БҰҰ Адам құқықтары жөніндегі Жоғарғы комиссары Мишель Бачелет, 55-тен астам елдің мемлекет басшылары мен министрлері, сондай-ақ халықаралық ұйымдардың басшылары қатысты.

Кеңес отырысында сөз сөйлеген М. Тілеуберді Президент Қасым-Жомарт Тоқаев Тұңғыш Президент - Елбасы Нұрсұлтан Назарбаевтың бағытын жалғастыра отырып, адам құқықтары саласындағы ұлттық және халықаралық стандарттарға толық қол жеткізуге ниетті екенін атап өтті. Министр қатысушыларды адам құқықтарын қорғауға қатысты Мемлекет басшысының Жолдауының ережелерін іске асыру туралы хабардар етті, «естуші мемлекеттің» тұжырымдамасына және Ұлттық қоғамдық сенім кеңесінің құрылуына назар аударды.

Жолдауды іске асыру және БҰҰ ұсынымдарын орындау бойынша практикалық қадам ретінде Қазақстанның өлім жазасын жоюға, митингілер туралы заңнаманы жетілдіруге және әйелдер мен балаларға қарсы зорлық-зомбылық үшін жазаны қатаңдатуға бағытталған Екінші Факультативтік хаттамаға қосылуы туралы шешімдер қабылданды.

М. Тілеуберді «Жусан» және «Русафа» гуманитарлық операциялары нәтижесінде 600-ден астам қазақстандық азамат, көбінесе Сирия мен Ирактағы әйелдер мен балалар отанына оралғаны табысты болғанын атап өтті және Қазақстанның осы салада жинақталған тәжірибемен алмасуға дайындығын атап өтті.

БҰҰ Орнықты даму саласындағы күш-жігеріне қолдау көрсету туралы айта келе, Министр Алматыда Орталық Азия мен Ауғанстан елдері үшін орнықты даму мақсаттарын іске асыру бойынша БҰҰ Хабының ашылғаны, сондай-ақ онда қазіргі уақытта өңірлік, субөңірлік және елдік мәртебесі бар БҰҰ-ның 16 агенттігі жұмыс істейтіні туралы хабарлады.

Қарусыздану жөніндегі конференция мінбесінен сөйлеген сөзінде Сыртқы істер министрі Қазақстанның 2045 жылға қарай Елбасының ядролық қарусыз әлемге қол жеткізуі туралы бастамасын іске асыруға тұрақты бейілділігін атап өтті.

М. Тілеуберді қарусыздану саласындағы дағдарысты жағдайды айтып, делегацияларды ядролық қарусыздану, ядролық қарусыздану үшін ыдырайтын материал өндірісін тоқтату, ғарышта жаппай қару шығаруды болдырмау және ядролық емес мемлекеттерге қауіпсіздікке кепілдік беру саласында жаңа уағдаластықтарды әзірлеу бойынша нақты жұмысты бастауға шақырды.

Ағымдағы жылдың сәуір-мамыр айларында Нью-Йоркте өтетін ядролық қаруды таратпау туралы шарттың 50 жыл бұрын күшіне енген шолу конференциясының маңыздылығын атап өтіп, ҚР СІМ басшысы осы Шарттың халықаралық қауіпсіздік жүйесіндегі орталық рөлін атап өтті. Алдағы бес жылға арналған басым міндеттер ретінде ол Орталық Азия аймағын қоса алғанда, ядролық қарудан азат аймақтар арасындағы ынтымақтастықты кеңейту жөніндегі жұмысты жалғастыру қажеттігін атап өтті. Сонымен қатар, Министр қатысушыларға өткен жылдың 29 тамызында БҰҰ-ның «Халықаралық ядролық сынақтарға қарсы іс-қимыл күнді» жариялаған күні Қазақстанның Ядролық қаруға тыйым салу туралы шартты ратификациялағаны туралы хабарлады.

https://egemen.kz/article/222199-qazaqstandyq-delegatsiya-buu-adam-quqyqtary-dgonindegi-kenhesininh-otyrystaryna- // 25 Ақпан, 2020