Музыкалық сарай. Музыка, 3 сынып, қосымша материал. 1-сабақ.

 Сабақты ұйымдатыруға арналған әдістемелік нұсқаулық

«Сәулет өнері» бөлімінің бірінші тақырыбы «Музыкалық сарай» деп аталады. Сабақты Астананың көрікті ғимараттарының суретін оқушыларға көрсетуден бастаңыз. Дидактикалық материалдар.1-қосымша.

Сұрақтарды талқылаңыз,сәулет өнері не екенін айтыңыз. Сабақтың тақырыбы мен мақсатын таныстырыңыз.

1-тапсырмада алдыңғы сабақта үйренген Е.Тілепбердиевтің сөзіне жазылған,

Х. Сетековтың«Әуендер сарайы» әнін тыңдап, еске түсіруді және

А.Естеновтың сөзіне жазлыған А. Танидің «Ай келбетті Астана» әнін тыңдауды ұсыныңыз.

2-тапсырмада әндерді тыңдаған соң сұрақтарды талқылап, музыкалық форма дегенге түсінік беріңіз және олардың түрлерімен таныстырыңыз. Оқушыларға музыкалық сөздік дәптерлеріне жазып алуды тапсырыңыз. Ән- шумақтық және шумақыты-қайырмалы болып келетінін айтып, тыңдаған әндерінің формасын анықтауды тапсырыңыз.

• «Әуендер сарайы» -3 шумақтан және қайырмадан тұрады. Шумақты-қайырмалық форма.
• «Ай келбетті Астана» -3 шумақтан тұрады. Шумақты форма.

3-тапсырмада оқушыларға А.Естеновтың сөзіне жазлыған А. Танидің «Ай келбетті Астана» әнін қайта тыңдауды ұсыныңыз.Әннің сөзін таратып беріңіз. 2-қосымша.

Әнді ережеге сай үйретіңіз. Әнге дирижерлық қимылды қосып орындауды көрсетіңіз. Әннің көркем бейнесін аша жұппен және топпен орындауды тапсырыңыз.

Орындауды критерий бойынша бағалайтыныңызды ескертіңіз.

Орындауды бағалау критерийі

• әннің сөзін ұғынықты айтады;
• әннің ырғағын сақтайды;
• әннің көркемдік мазмұнын жеткізеді:
• әнді дирижерлық қимылды қосып орындайды.

Осы бөлім тақырыптарын толық меңгергенде оқушылар:

• сәулет өнері туралы біледі;
• музыкалық форма және оның түрлерін біледі және атай алады;
• әннің формасын анықтай алады;
• әнді көркем бейнесін жеткізе отырып орындайды;
• әнге дирижерлық қимылды қосып орындайды.