Қиюшы жазықтық. Геометрия, 11 сынып, сабақ жоспары.

Күні:

Мұғалімнің аты-жөні:

Сынып: 11

Қатыспағандар саны:

Сабақ тақырыбы

Қиюшы жазықтық.

Оқу мақсаттары

11.2.1 - көпжақтың жазықтықпен қималарын сала білу;

 Сабақтың мақсаттары

Қиюшы жазықтықтың анықтамасын беру. Тетраэдрда қиюшы жазықтықты салу.

 Бағалау критерийлері

-қиюшы жазықтықта және тетраэдрдің жағын қамтитын жазықтықта жататын түзуді салады

- қиюшы жазықтықты салады.

 Тілдік мақсаттар

-көпжақ

- қиюшы жазықтықт

-параллель жазықтықтар

-екі жазықтықтың қиылысу түзуі

-ортақ нүктелер

 Құндылықтарды дарыту

Академиялық адалдық, еңбекқорлық, ұқыптылық.

 Пәнаралық байланыстар

сызу

АКТ қолдану дағдылары

Geo Gebra қолдану.

Бастапқы білім

Кеңістікте екі түзудің, түзу мен жазықтықтың қиылысу нүктесін салу.

Сабақ барысы

Сабақтағы жоспарланған іс-әрекет

Аксиомаларды және олардың салдарларын қайталау.

Салу керек: 1. EF түзу мен АВС жазықтықтың қиылысу нүктесін;

2. DK түзу мен ЕFM жазықтықтың қиылысу нүктесін.

3. DBK және АСD жазықтықтардың қиылысу түзуін

4. EFM және АСD жазықтықтардың қиылысу түзуін

Көпжақтарды қарастырайық. Осы суреттерде не ортақ? (әрбір көпжақтың ішіндегі көпбұрыштар)

Сабақтың тақырыбын тұжырымдау.

Осы тақырыптың маңыздылығы туралы айту (презентация)

Қиюшы жазықтықтың анықтамасын беру.

Көпжақтың қиюшы жазықтығы деп оның екі жағында берілген көпжақтың нүктелері бар болатын кез келген жазықтықты айтады. Қиюшы жазықтық көпжақтың жақтарын кесінді мен қияды, осы кесінділер қабырғасы болатын көпбұрыш көпжақтың қимасы деп аталады. Анықтамаға сүйеніп, қай суретте қима сызылғанын айтыңдар?

Қиманы салу үшін ережелерді тұжырымдайық:

• Бір жақта жататын нүктелерді ғана қосуға болады.
• Бір жақта жататын түзулер қиылысады.
• Қиюшы жазықтық жақты тек бір рет қана қияды.
• Егер параллель жазықтықтар үшінші жазықтықпен қиылысатын болса, онда олардың қиылысу түзулері параллель болады.

Сабағымыздың мақсаты: тетраэдрдің қимасын салу.

Қандай фигураны тетраэдр дейді?

Оның қанша жағы бар?

Қимасында қандай көпбұрыштар пайда бола алады? Неге?

Қиманы салу үшін қанша нүкте беру керек?

Топпен шығармашылық жұмыс: тетраэдрды салу. Қимасында үшбұрыш, төртбұрыш болатындай етіп, тетраэдрдың қырларында нүктелер беру.

Мұғалімнің байқауында жеке жұмыс жасау. Тексеруді Geo Gebra арқылы жасауға болады.

Тетраэдрдың қимасын берілген нүктелер бойынша салу.

қиманы салудың негізгі ережелерін қайталау.

• DABC тетраэдрдың Р,М және К нүктелері арқылы өтетін

қимасын салыңыз, мұнда және АР=РD,

DМ=МВ.

• DABC тетраэдрда Р нүктесі-DA-ның ортасы, және DE:ЕВ=1:3. АС-ға параллель, Р және Е нүктелері арқылы өтетін жазықтықпен тетраэдрды қиғандағы пайда болатын қиманы салыңыз.