Трапеция. Трапецияның түрлері және трапецияның қасиеттері. Геометрия, 8 сынып, дидактикалық материал.

Стратегия «Автобус аялдамасы». Оқушылар 3 топқа бөлінеді. Ары қарай әр аялдамада 5 минуттық тапсырмаларды орындайды. Сосын жауаптар парағын тақтаға алып шығады да, өзара тексеру жүзеге асырылады.

1-тапсырма.

1. Табандары 2 м және 5м болатын трапецияның бүйір қабырғасы тең үш бөлікке бөлінген, бөлінген нүктелерден қарсы қабырғаға табандарына параллель түзулер жүргізілген. Жүргізілген кесінділердің ұзындықтарын табыңдар

2.Тең бүйірлі трапецияда қарама-қарсы бұрыштарының айырмасы 40⁰ тең болса, әрбір бұрышы неге тең?

2-тапсырма.

1. Тең бүйірлі трапецияның доғал бұрышынан түсірілген биіктігі табанын 6 см және 30 см кесінділерге бөледі. Трапецияның табандарын табыңдар.

2. Тең бүйірлі трапецияның үлкен табаны 2,7 м, бүйір қабырғасы 1 м, олардың арасындағы бұрышы 60⁰ болса, кіші табанын табыңдар.

3-тапсырма.

1.Тең бүйірлі трапецияның табанындағы бұрыштары тең болатынын дәлелдеңдер.

2. Тең бүйірлі трапецияның кіші табаны бүйір қабырғасына тең, ал диагоналы бүйір қабырғасына перпендикуляр болатын трапецияның бұрыштарын табыңдар.