Сызықты портрет. Көркем еңбек (қыздар), 6 сынып, дидактикалық материал.

 Сабақты ұйымдастыруға арналған әдістемелік нұсқаулық

«Сызықты портрет" тақырыбына арналған сабақ «Визуалды өнер» бөлімінің кезекті тақырыбының бірі.

Оқу мақсаты: 6.2.1.1-Өз идеялары мен сезімдерін беру үшін қоршаған ортаның визуалды элементтері мен өнердің көркем тәсілдерін анықтау, таңдау және қолдану

Сабақ практикалық дағдыларға негізделген. Кескіндеме және графика жанры портретпен таныс. Оқушылар бұл сабақта сызықты портретпен танысады.

Сабақ барысы.

Сабақ бейнематериалды тамашалаудан басталады. Бейнематериалды тамашалап болған соң, оқушылар қысқа мерзімді жоспарда көрсетілген сұрақтарға жауап береді.

Оқушыларға күрделі емес, сызықты суреттердің топтамасын көрсетуді ұсынамыз.

2. тапсырма

Сабақ тақырыбын түсіндіру үшін екі суретшінің картиналарын талдау ұсынылады. Салыстырмалы талдау негізінде суретші картиналары арасында ұқсастықтар мен айырмашылықтарды анықтау ұсынылады. Матисстің картинасындағы сызықтың маңызы туралы айтып өтіңіз. Оның сызықтары нәзіктіктен хабар береді. Кейіпкердің мейірбан екендігенен хабар берсе керек. Ал Серовтың сызықтары батыл.

Анри Матисс (1869 - 1954) түрлі бағыттарда жұмыс істеді. Пабло Пикассо және Марсел Дюшанмен қатар ол шығармашылықпен айналысты. Ол фовизм бағытында да өз жұмыстарымен танымал.

Валентин Александрович Серов (1865-1911) суретші, портретші, график. Серов портрет, пейзаждар, иллюстрациялар салды.

Практикалық тапсырма

Тәжірибелік тапсырманы орындау барысында Матисс пен Серовтің жұмыстарына қайта оралу ұсынылады. Оқушылар портретті өздігінен орындайды. Қажет жағдайда қолдау көрсете аласыздар.

Бірін-бірі бағалау.

Сабақтың қорытындысын шығару үшін тәжірибелік тапсырмалардың кішігірім көрмесін жасаңыз. Көрмеде тұрған жұмыстарды оқушылар бағалайды.

Рефлексия

Сабақты қорытындылауға қатысты сұрақтарға жауап беру ұсынылады. Қажет болса, оқушылардың бірі тақтаға шығып, көзді жұмып сурет сала алады.