Саяхат басталады! Көркем еңбек, 2 сынып, сабақ жоспары.

Ұзақ мерзімді жоспар бөлімі: 8 -бөлім: Саяхат

Мектеп: Көкшетау қаласындағы физика-математика бағытындағы Назарбаев Зияткерлік мектебі

Сынып, күні: 2

«А» 24.04.2018

«В» 25.04.2018

Сабақ тақырыбы

Саяхат басталады!

Осы сабақта қол жеткізілетін оқу мақсаттары (оқу бағдарламасына сілтеме)

2.1.5.1

Бұйым мен пішіннің қалай жасалғанын түсініп, материалдар мен оларды байланыстыру тәсілдерін анықтау.

2.1.6.1

Шығармашылық идеяларды дамыту барысында, белгілі бір ақпарат көздерінен деректер жинақтау.

 Сабақ мақсаттары

 Материалдарды байланыстыра отыра, бұйым мен пішіннің қалай жасалғанын түсінеді.

 Шығармашылық идеяларын дамыту үшін ақпарат көздерін қолдана алады.

  Бағалау критерийлері

• Бұйым мен пішіннің қалай жасалғанын түсіне алады;
• Материалдар мен оларды байланыстыру тәсілдерін анықтай алады.

 Тілдік мақсаттар

Талқылауға арналған сұрақтар:

• Бұл көлік құралдары қалай жасалған?
• Бұл көлік құралдары не үшін қажет?

Пән лексикасы және терминология:

• көлік құралдары, автобус, машина, жүк машинасы, өрт машинасы
• функция, қозғалыстағы адамдар

Құндылықтарды дарыту

Сыныптастардың бір- біріне деген, бір- бірінің ойына деген, пікіріне деген сыйласымдықты диалогтік оқыту арқылы арттыру.

 Пәнаралық

 байланыстар

Ғылымға кіріспе пәнімен- көлік құралдарының түрлері.

Бастапқы білім

Көліктің түрлерін біледі және ажырата алады.

Сабақ барысы

Сабақтағы жоспарланған іс-әрекет

• Ұйымдастыру. Амандасу. Сабаққа дайындығын тексеру.

Стартер. «Тачки Мастер в воздухе» анимациялық мульфилімін көрсетемін.

- Осы бөлімде біз не істейміз деп ойлайсыздар?

Осы бөлімде белгілі бір мақсатқа арналған, қозғалмалы көлік құралдарын жобалап жасайтындығын түсіндіремін. Ол қиялдарынан туындаған көлік құралы да болуы мүмкін.

Сабақтың тақырыбы мен мақсатын айту:

 Материалдарды байланыстыра отыра, бұйым мен пішіннің қалай жасалғанын түсінеді.

 Шығармашылық идеяларын дамыту үшін ақпарат көздерін қолдана алады.

• Зерттеу жұмысы. Тапсырма №1. Топтық жұмыс түрі. Презентация қарау (PowerPoint).

Топпен талқылау:

• Көлік құралдары не үшін қажет?
• Барлық көлік құралдарының функциясы бірдей ме?
• Барлық көлік құралдарында дөңгелек бар ма?
• Барлығының дөңгелектерінің саны бірдей ме?
• Дөңгелектерінің өлшемі бірдей ме?
• Барлығы бірдей жерде орналасқан ба?
• Қайсысында қозғалатын, дыбыс шығаратын, көтерілетін бөліктері бар?
• Неліктен солай болады?

• Тапсырма № 2. Жұппен жұмыс түрі.

 Оқушыларға өздері білетін көлік құралдарын таңдауды ұсынамын. Оқушылар бір- біріне таңдалған көлік құралы туралы төмендегі сұрақтарға жауап бере отырып түсіндіреді:

• Өзіңіз таңдаған көлік құралын атаңыз.
• Ол не үшін қолданылады?
• Оның пішіні қандай?
• Оның қандай ерекшеліктері бар?
• Ол қандай дыбыс шығарады?
• Ол қалай іске қосылады (жұмыс істейді)?
• Оның қанша дөңгелектері бар?
• Кім оны қолданады?
• Практикалық жұмыс. Жекеше жұмыс түрі.

 Оқушылар таңдау бойынша дөңгелектері, жарығына, көлік құралының түріне байланысты назар аудара отырып, альбомдарында кез келген көлік құралының суретін салады.

Саралау. Кейбір оқушылар көлік құралының сыртқы бейнесіне нақты көңіл аудара отырып салу да мүмкін.

Дескрипторлар:

-бейненің парақ бетінде дұрыс орналасуы;

-суреттің контур сызығына шығармай ұқыпты бояу;

-суретін толық аяқтау.

 5. Таныстырылым.

Шығармашылық жұмыстарын орындап болған соң, әр оқушы өздерінің салған көлік құралдары туралы қысқаша айтып өтеді.

• Менің көлік құралым …
• Оның пішіні …
• Менің көлік құралым … арналған.

• Бағалау. Өзара бағалау түрі.

Оқушылар бір- бірін берілген дескрипторлар бойынша бағалайды:

- бейненің парақ бетінде дұрыс орналасуы;

- суреттің контур сызығына шығармай ұқыпты бояу;

- суретін толық аяқтау.

 6. Рефлексия

Бүгінгі тақырыпты барлығыңыз түсіндіңіздер ме? Өздеріңіздің сыныптағы жұмыстарыңызды қалай бағалайсыздар?

Сөйлемдерді жалғастырыңыз:

Бүгін мен ... білдім.

Маған … қиын болды.

Мен … үйрендім.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және қауіпсіздік техникасының сақталуы

Кейбір оқушылар көлік құралының сыртқы бейнесіне нақты көңіл аудара отырып салу да мүмкін, ал кейбіріне мұғалімнің көмегі қажет болады.

 Оқушылар бір- бірін берілген дескрипторлар бойынша бағалайды:

- бейненің парақ бетінде дұрыс орналасуы;

- суреттің контур сызығына шығармай ұқыпты бояу;

- суретін толық аяқтау.

 Мұғалімнің бақылауы арқылы да іске асырылады.

Денсаулық сақтау технологиялары.

Бұл сабақта практикалық жұмыс жасау барысында оқушылар орындарынан тұрып жүреді

Осы сабақта қолданылатын Қауіпсіздік техникасы ережелері

Сабақбойыншарефлексия

Сабақ мақсаттары/ оқу мақсаттары дұрыс қойылған ба? Оқушылардың барлығы ОМ қолжеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

Жалпы баға

Сабақтың жақсы өткен екі аспектісі (оқыту туралы да, оқу туралы да ойланыңыз)?

1:

2:

Сабақты жақсартуға не ықпал ете алады (оқыту туралы да, оқу туралы да ойланыңыз)?

1:

2:

Сабақ барысында сынып туралы немесе жекелеген оқушылардың жетістік/ қиындықтары туралы нені білдім, келесі сабақтарда неге көңіл бөлу қажет?