Бұлшық ет. Биология, 8 сынып, сабақ жоспары.

Ұзақ мерзімді жоспар бөлімі: 8.3В Қозғалыс

Мектеп:

Күні: ___

Мұғалімнің аты-жөні:

Сынып:

Қатысушылар саны:

Сабақтың тақырыбы

Бұлшық ет (зерт ханалық жұмыс)

Осы сабақ арқылы жүзеге асырылатын оқу мақсаттары

8.1.6.5 бұлшық ет ұлпасының құрылысын, қызметін және олардың түрлерін сипаттау

8.1.6.6. адам бұлшық еттерінің құрылысы мен бұлшықет топтарын оқып тану.

 Сабақтың мақсаттары

• Бұлшықет ұлпаларының түрлері мен орналасуын анықтау;
• Бұлшықеттің құрылысын сипаттау;
• Бұлшықеттің түрлерін ажырату;

 Бағалау критерийлері

• Бұлшықет ұлпасының түрлерін ажыратады;
• Бұлшықеттің құрылысын сипаттайды;
• Бұлшықеттің түрлеріне мысалдар келтіреді.

 Тілдік мақсаттар

Оқушылар:

• бұлшықеттің құрылысы мен бұлшықет ұлпарларының ерекшеліктерін тиісті пәндік терминологияны қолдана отырып, ауызша, жазбаша сипаттай алады. Кілт сөз бен суретті сәйкестендіріп, мағынасын ашады.
• Бұлшықеттің құрылымы мен қызметін ауызша жабаша түрде сипаттай алады.

Пәнге қатысты лексика мен терминология:

Бұлшықет, миофибрилл, бұшықет талшығы, тарамыс, сіңір, қаңқа бұлшықеті, бірыңғай салалы, көлденең жолақты қаңқа, көлденең жолақты жүрек бұлшық еті, бұлшыет шоғыры, бұлшық ет талшығы, бұлшық ет жасушасы.   

Диалог құруға /жазылымға қажетті сөздер топтамасы:

Жүректе болатын бұлшықеттің түрі - ....

Асқазан мен ішек секілді қуысты дене мүшелерінде болатын бұлшықеттің түрі - ....

Қаңқа бұлшықеттерінің қызметі ....

бірыңғай салалы бұлшықет ... құрайды.

Көлденең жолақты бұлшықет ...кездеседі.

Көлденең жолақты бұлшық ет жасушасының ...ядросы болады.

 Құндылықтарды дарыту

Оқу тапсырмасын орындау кезде қоғамдық өмірге дайын болу, өзін бақылауда ұстай білу, бәсекеге қабілетті бола білу құндылықтары дамытылады.

Жазбаша жұмыстар арқылы академиялық шыншылдық, нақтылық, өзін өзі реттей білу құндылықтары дамытылады.

Ауызша жұмыстар арқылы ойды реттей білу, сенімділік, дәлелдерді қолдана білу құндылықтары дамытылады.

Таныстырылым кезінде өзіне деген сенімділіқ, талдау жасау, ойды жинақтау, идеяларды үйлестіру тыңдаушылармен байланыс орнату құндылықтары дамытылады.

Жеке жұмыс кезінде өзіне деген сенімділік, өзін-өзі көрсету құндылықтары дамытылады.

Топтық немесе жұптық жұмыс кезінде ортақ іс артқаруда ынтымақтастықта бола білу, жаһандық азаматтық, өз оқуына жауапкершілікпен қарау, сынға алу, ортақ пайдалану құндылықтары дамытылады.

 Пәнаралық байланыс

Бұлшықеттің жиырылуы, пішіні, бұлшық еттердің жұмыс жасау механизмі туралы түсініктер арқылы физика пәнімен байланысты.

Алдыңғы білім

«Жаратылыстану» курсынан оқушылар адамның сүйектерінің бөлімдерін және қозғалысты басқаратын бұлшықеттердің ролін біледі. 7- сынып «Қозғалыс» бөлімінен оқушылар омыртқасыздар мен омыртқалылардың қозғалысқа қатысатын мүшелерін және қозғалыстың жануарлар мен өсімдіктер үшін маңызын біледі.

Сабақ барысы

Сабақ қезеңдері

Жоспарланған іс-әрекеттер

Сабақтың басы

0-4 мин

Оқушыларға бұлшықеттің (пісірілген ет пен жүрек) бұлшық еттерін көрсетіп, оларды талдап көріп, айырмашылықтарын анықтау тапсырылады. Оқушылардың талқылауынан кейін сабақтың тақырыбы мен мақсаты бағалау критерийлері таныстырылады.

Критерий:

• Бұлшықет ұлпасының түрлерін ажыратады;
• Бұлшықеттің құрылысын сипаттайды;
• Бұлшықеттің түрлеріне мысалдар келтіреді.

Сабақтың ортасы

Оқушыларға бұлшықеттің құрылысы, қызметі, бұлшықет ұлпаларының түрлерімен танысу үшін әртүрлі станцияларда қойылған тірі бұлшық ет үлгісі, видеоматериалдар мен сурет, ақпарат парақшалары ұсынылады.

1-станция бұлшық еттің құрылысы.

Оқушылар бұлшықетті үлгілеп жасайды.

2-станция Бұлшықеттің түрлері. Оқушылар адам ағзасында кездесетін бұлшық еттің түрлерін атап, мысалдар келтіреді.

3-станция Жүрек бұлшық етінің ерекшеліктері. Оқушылар жүрек бұлшық етінің микроскопиялық көрінісімен танысып, суретін салады.

4-станция Көлденең жолақты қаңқа бұлшық етінің ерекшеліктері. Оқушылар көлденең жолақты қаңқа бұлшық етінің микроскопиялық көрінісімен танысып, суретін салады.

5-станция Бірыңғай салалы бұлшық етінің ерекшеліктері. Оқушылар бірыңғай салалы бұлшық етінің микроскопиялық көрінісімен танысып, суретін салады.

Мұғалім әр станциядағы оқушылардың жұмыстарын қадағалап, бағыт беріп, тиісті кері байланысты ұсынады.

Оқушылардың жұмыс парағындағы тапсырмаларды орындаулары талқыланып, жауаптар салыстырылып, сабақ қорытындыланады.

Сабақтың соңы

Кері байланыс

Мен енді білемін ................

Маған ұнағаны ....................................

Менің түсінбей қалғаным ............................

Мен жақсы түсіндім ......................................

Мен келесі сабақта.........................білгім келеді.

Қосымша ақпарат

Дифференциалды оқыту – Көбірек қолдау көрсету үшін не істейсіз? Қабілеті жоғары оқушыларға қандай міндеттер қоюды жоспарлайсыз?

Кейбір оқушылар бұлшық ет ұлпасының түрлерін салыстырып Венн диаграммасын құрады.

Кейбір оқушылар дене бұлшық еттерін жетілдіру жолдары туралы қосымша ақпарат көздерінен оқып өз білімін тереңдете алады.

Кейбір оқушылар бұлшық ет талшығының құрылысын тереңдетіп оқи алады.

Бағалау – оқушылардың берілген материалды меңгеру деңгейін қалай тексересіз?

Жеке және топтық жұмыс арқылы

Зертханалық жұмысты орындау бойынша

Түрткі сұрақтар арқылы.

Жұмыс парағындағы тапсырмаларды орындаулары арқылы

Ауызша жауаптары арқылы

Денсаулықты сақтау және қауіпсіздік ережелері

Сабақ барысында биология кабинетіндегі қауіпсіздік ережелерін сақтау.

Микроскоппен ұқыпты жұмыс істеу; жұмыс тәртібіне жауапкершілікпен қарай отырып, үлкейтіп көрсетуге ауыстырғанда микроскопты сындырып алмау үшін бұрандамен ұқыпты жұмыс жасау.

Өткір құралдармен, сапты инемен жұмыс істеу кезінде жарақат алып қалмас үшін бұл құрал-жабдықтардың кесетін және түйрейтін бөліктерін өзіңе қарай бағыттамау.

Оқушы өз денсаулығы мен ортасына сақтықпен қарауы қажет.