«Теңсіздіктер» бөлімін қайталау. Алгебра, 8 сынып, сабақ жоспары. 5 сабақ.

Ұзақ мерзімді жоспар бөлімі:

8-сыныптағы алгебра курсын қайталау

Мектеп:

Күні:

Мұғалімнің аты-жөні:

Сынып: 8

Қатысушылар саны:

Сабақ тақырыбы

«Теңсіздіктер» бөлімін қайталау

Cабақтың түрі

Қайталау сабағы

Осы сабақта қол жеткізілетін оқу мақсаттары (оқу бағдарламасына сілтеме)

8.2.2.8 квадрат теңсіздіктерді шешу;

8.2.2.9 рационал теңсіздіктерді шешу;

8.2.2.10 біреуі сызықтық, екіншісі - квадрат теңсіздік болатын екі теңсіздіктен құралған жүйелерді шешу;

8.2.2.11 құрамында екі квадрат теңсіздігі бар жүйелер мен жиынтықтарды шешу;

Сабақ мақсаттары

Оқушылар:

• Квадрат теңсіздіктердің шешеді: интервалдар әдісімен, графиктік әдіспен;
• Рационал теңсіздіктерді шешеді;
• Екі теңсіздіктен тұратын теңсіздіктер жүйесін шешеді, олардың біреуі – сызықтық, екіншісі – квадраттық.
• Екі квадрат теңсіздіктен тұратын теңсіздіктер жүйесін шешеді;
• Екі квадрат теңсіздіктен тұратын теңсіздіктер жиынтығын шешеді;

Бағалау критерийлері

Оқушы

• Квадрат теңсіздіктердің шешеді: интервалдар әдісімен, графиктік әдіспен;
• Рационал теңсіздіктерді шешеді;
• Екі теңсіздіктен тұратын теңсіздіктер жүйесін шешеді, олардың біреуі – сызықтық, екіншісі – квадраттық.
• Екі квадрат теңсіздіктен тұратын теңсіздіктер жүйесін шешеді;
• Екі квадрат теңсіздіктен тұратын теңсіздіктер жиынтығын шешеді;

 Тілдік мақсаттар

Оқушылар: квадрат теңсіздіктерді шешуді түсіндіреді, олардың жүйесі мен жиынтығын шешуді түсіндіреді, жүйе мен жиынтық айырмашылығын түсіндіре алады.

Пәнге қатысты лексика және терминология:

Квадрат теңсіздік, квадрат теңсіздікті шешу, квадраттық функция, парабола, парабола тармақтары, функция нөлдері, интервалдар әдісі, теңсіздіктер жүйесі, теңсіздіктер жиынтығы, аралықтардың қиылысуы, аралықтардың бірігуі.

Диалогқа/жазылымға қажетті тіркестер:

Квадрат теңсіздікті ... әдісі көмегімен шешуге болады;

Теңсіздіктер жүйесін шешу, ол - ....

Теңсіздіктер жүйесін шешу үшін ...

Осы шешімдердің қиылысуын табамыз.

Теңсіздіктер жиынтығын шешу дегеніміз, ол ...

Теңсіздіктер жиынтығын шешу үшін ...

Осы шешімдердің қиылысуын табамыз.

Құндылықтарды дарыту

Құндылықтарды дарыту осы сабақта жоспарланған іс-әрекеттер арқылы жүзеге асады. Оқуға үйрену, жағдаятты талдау, жаңа шарттарға бейімделу, мәселені қою және шешім қабылдау, топта жүмыс істеу, өзінің жұмысының сапасына жауап беру, өз уақытын ұйымдастыру білігі.

Пәнаралық байланыстар

Астрономиямен байланыс мұғалімнің осы ғылым туралы айтуы арқылы жүзеге асады, бқл сөздің атауы тест тапсырмасының кілт сөзі болады.

Бастапқы білім

Оқушылар «Теңсіздіктер» бөлімін 4-тоқсанда өтіп кеткен.

Сабақ барысы

Сабақтағы жоспарланған

іс-әрекет

Ресурстар

1. Ұйымдастыру кезеңі. Сабақ мақсатын қою.

Мұғалім оқушылармен сәлімдесіп, олардың сабаққа дайындығын тексереді. Мұғалім сабақтың тақырыбы мен сабақ мақсаттарын айтады. Оқушылармен бірге сабақ мақсаттары құрастырылып айтылады. Кейін мұғалім бағалау критерийлерін айтып, оқушылардың «жақын даму аймағын» айқындайды, сабақ аяғына қарай күтілетін нәтижелерді айтады.

2. Қайталау.

Оқушылар мұғаліммен бірге негізгі теориялық материалды келесі сұрақтар арқылы қайталайды.

• Қандай теңсіздік квадрат теңсіздік болады?
• Теңсіздіктің шешімі деп нені атаймыз?
• Квадрат теңсіздікті графиктік әдіспен шешу алгоритмін атаңыз.
• Интервалдар әдісінің мағынасын түсіндіріңіз.
• Бөлшек-рационал теңсіздіктер қандай әдістің көмегімен шығарылады?
• Теңсіздіктер жүйесін шешу нені білдіреді?
• Теңсіздіктер жиынтығын шешу нені білдіреді?

Презентация

Слайд 1-3

Презентация

Слайд 4-14

3. Өздік жұмыс.

Оқушыларға нұсқалар бойынша тапсырмаларды орындау ұсынылады. Оқушылар жеке жұмыс жасайды. Мұғалім оқушылар жұымысын бақылайды, сұрақтар қояды, дұрыс шешімге бағыттайды, кеңес береді. Дайын жауаптар арқылы оқушылар жұпта өзара бағалау жүргізеді, мұғалім оқушылардың жауабын критерийлерге сәйкес бағалайды және кері байланыс береді.

Бағалау критерийі:

Оқушы

• Теңсіздікті интервалдар әдісімен дұрыс шешеді;
• Квадарттық функцияның нөлдерін дұрыс табады;
• Квадарттық функцияның графигін схемалы түрде дұрыс салады;
• Квадрат теңсіздіктің жауабын дұрыс жазады;
• Теңсіздіктер жүйесін/ жиынтығын құрады;
• Теңсіздіктер шешімінің қиылысу/ бірігуін дұрыс табады;
• Жүйенің жауабын жазады;
• Жиынтықтың жауабын жазады.

4. «Теңсіздіктер» бөлімі бойынша тест.

Оқушыларға тест тапсырмалары ұсынылады, оның көмегімен олар бөлімді жан-жақты қайталай алады.

Тесттің әр жауабы үшін қандай да бір әріп сәйкес келеді. Егер барлық тапсырмалар дұрыс орындалған болса, онда кілт сөзді табуға болады.

Дұрыс жауап: АСТРОНОМИЯ.

Астрономия (көне грекше: ἄστρον «жұлдыз» + νόμος (номос), «заң» ) — ғарыштық денелердің құрылысы, дамуы, олар құрайтын ғарыштық жүйелер және тұтас Ғалам туралы ғылым. Астрономия ғарыш кеңістігіндегі жекелеген денелерді немесе денелер жүйелерін, олардың құрылысын, пайда болуын және динамикасын, сондай-ақ, оларда болып жатқан құбылыстарды зерттейді. Аспан денелеріне жұлдыздар (соның бірі - Күн), планеталар (соның бірі - Жер), планеталардың серіктері; мысалы, Жер серігі - Ай, сондай-ақ кометалар, метеориттер жатады. Сондай-ақ, ғаламшараралық, жұлдызаралық ортаны, пульсарларды, қара ұрдымдарды, тұмандықтарды, галактикаларды, квазарлард және т.б. зерттейді.

Қосымша 1

Презентация

Слайд 15

Презентация

Слайд 16-18

Қосымша 2

Презентация слайд 19

5. Сабақты қорытындылау. Рефлексия.

Мұғалім сабақ мақсаттарына қайтып оралады, олардың жетістіктерінің деңгейін айтады. Келесі сабақтарды жоспарлау мақсатында оқушыларға сұрақтар қойылады:

 •Бүгін мен білдім …

 •Маған қызықты болды …

 •Маған қиын болды …

 •Мен ... тапсырмаларын орындадым.

Сұрақтар ауызша немесе жазбаша талқылана алады.

Үй тапсырмасы ретінде оқушыларға қосымша деңгейлік тапсырмаларды ұсынуға болады, олар әдістемелік нұсқаулықта берілген.

Презентация слайд 20

Стикерлер

Сабаққа берілген әдістемелік ұсыныстар

Саралау –оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз

Денсаулық және қауіпсіздік техникасының сақталуы

Сабақта өзіне сенімсіз оқушылар біршама қабілетті оқушылармен бірге жұпта жұмыс жасайтындай етіп жасалған, сонда олар қабілетті оқушылармен жұмыс жасағанда көбірек біле алады.

Қабілетті оқушылар өздерінің қабілеттерін консультант ретінде айқындай алады.

Жұптағы немесе жеке жұмыстарда Сіз өзіне сенімсіз оқушыларға көмекші сұрақтар қою арқылы көмектесе аласыз.

Формативті бағалау сабақтың әр кезеңінде өткізіледі (өзін-өзі бағалау, мұғалімнің критерий бойынша бағалауы). Оқушылардың тапсырманы орындау барысындағы қатысуы және диалогқа қатысуын бағылау арқылы бағалау.

Жұптағы, топтағы тапсырмаларды орындауға жауапты реакция және прогресс әр оқушының үлесін бағалауға және қателердің бар болуын анықтау үшін қарастырылады.

Барлық тапсырмалар оқушылардың жас ерекшеліктерін ескеріп алынған. Іс-әрекеттердің ауысып отыруы ең үлкен нәтижеге қол жеткізу мақсатында оқушылардың күші мен зейінін дұрыс үлестіруге ықпалын тигізеді.