2.Қазақ тілі_3сынып_3 бөлім_Уақыт_№14-сабақ Өмірбаян жазу Презентация

Қазақ тілі

3 -бөлім

Уақыт

(Оқу жоспары Қазақ тілі 2018-2019жж)

№14 Хронологиялық даталардың көмегімен өмірбаянымды жазамын

Бағалау критерийлері:

- Мәтіндерді стиліне қарай салыстырып, ұқсастықтары мен айырмашылықтарын табады

-Бастауыш пен баяндауыштың арасына қойылатын сызықшаның орнын біледі және қояды

-Өзіндік іс-әрекеті баяндалған өмірбаянын жазады

-Кең жолды дәптерде бас әріп пен кіші әріптің биіктігі мен мөлшерін сақтап, өз өмірбаянын жазады

Миға шабуыл (Ұ.Ж)

«Телебағдарлама жүргізушісі» әдісі

«Айтуға оңай» бағдарламасында

«Хронологиялық кесте мен Өмірбаян» бас қосады.

-Хронологиялық кесте дегеніміз не?

-Өмірбаян не үшін қажет?

-Хронологиялық кестесіз өмірбаян жазуға болатын шығар?

-Өз өмірбаянын жаза білу немесе ауызша жеткізе білу керек дегенге келісесіз бе?

-Екі ұғымның түсініктемесін немесе ережесін айтып берсеңіздер

Хронологиялық кесте- өмірбаянның жылдар арқылы ретімен жазылу немесе айтылуы.

Өмірбаян- жеке адамның өмір жолы хронологиялық тәртіпте қысқаша жасалған ресми құжат. Әдетте оқуға түсу, жаңа қызметке орналасу кезінде жазылады. Онда азаматтың аты-жөні, туған жылы, күні, айы және туған жері, ұлты, отбасы жағдайы, білімі, бітірген оқу орындары, қызметі мен жұмыс тәжірибесі туралы және т.б. қосымша мәліметтер көрсетіледі.

1-тапсырма ( М.К.Т)

Оқушыларды қызыл, жасыл, сары түстерге топқа біріктіру.

«Сөздерден әңгіме құрастыру» әдісі

Тапсырма:Өмірбаян құрылымын талдау. Және өмірбаян жазғанда хронологиялық тәртіпті қолдану

Оқушылардың әрқайсысына қандай да болмасын бір-бір сөз ойлауды тапсырып, бірнеше секундтан кейін ол сөздерді (жалпы саны 15-20 сөздей) тақтаға жазып, оқушылардың шағын топтарына осы сөздерді қолданып, 2 минут ішінде оқушылар өмірін суреттейтін ауызша әңгіме құрастыруды ұсыну. Әңгімеде топ оқушыларының және мұғалімдердің есімдері міндетті түрде аталуы керек.

3.3.7.2 (М.К. Ұ ) 2-тапсырма

«Сөзден-сөйлем, сөйлемнен-мәтін» әдісі

Шашылған түрлі сөздердің ішінен бір-біріне мағыналық жағынан қабыспайтын үш сөз суырылады. Осы үш сөзден кіріктіре отырып, сөлемдер құрастыру. Бірнеше нұсқаның ішінен біреуін таңдау.Тақтаға жазылады. Таңдалған сөздерден сөйлемдер құрау.

Тапсырма: Сөйлемдерді көркем жазу, сөйлем мүшелерінің астын сызу.

3.3.7.2 3-тапсырма ( Ж)

Көшіру диктанты.

Тапсырма:

1 Уақытты білдіретін сөздерді теріп жаз.

2 Бастауыш пен баяндауыш арасында қойылатын тыныс белгісінің орнын тауып, жаз.

Рефлексия.

«Тазалық кері байланысы»

Чемодан: Тақырып бойынша алған керекті ақпаратты чемоданға салыңыздар

Қоқыс жәшігі: Сабақтағы керек емес болған, артық дүниені қоқыс жәшігіне салыңыздар.

Еттартқыш: Бүгінгі ақпараттың ішінде әлі оқуым керек, толықтыруым керек дегендері болса, еттартқышқа салыңыздар

Үйге тапсырма:

Өз өмірбаяныңды хронологилық кестені қолдану арқылы жазып келу