Топтағы шығармашылықты дамытуға бағытталған ойындар. Дене шынықтыру, 3 сынып, презентация. 74 сабақ.

3 сынып

№6 бөлім:Топтық ойындар элементтері

Сабақтың тақырыбы:

Топтағы шығармашылықты дамытуға бағытталған ойындар

Оқу мақсаты:

3.2.3.3 Түрлі дене жаттығуларын орындауда қолайлы оқыту ортасын құру маңыздылығын мойындай отырып, идеяларды, ресурстар кеңістік білімін қолдану.

3.2.5.5 Өзінің шығармашылық тапсырмаларын және басқаларын талдау үшін конструктивті ұсыныстар жасау туралы алынған білімді пайдалану және қолдану.

Сабақ мақсаты:

Түрлі дене жаттығуларын орындауда қолайлы оқыту ортасын, ресурстарды қолдану және өзінің шығармашылық білімін пайдалану.

Бағалау критерийлері:

- Түрлі дене жаттығуларын орындауда қолайлы оқыту ортасын құрады;

- Идеялармен бөлісіп, ресурстарды қолдана алады;

- Өзінің шығармашылық білімі мен басқалардың ұсыныстарын пайдалана алады.

Бұл бөлімде оқушылар командалық ойындар арқылы қозғалыс үйлесімдігін дамытады, дәлдік дағдыларын жақсартады. Түрлі дамытушылық ойындары арқылы командалық жұмыста көшбасшылық қасиеттерін көрсетеді. Қозғалыс қызметтері арқылы шығармашылық қабілеттері дағдыларын дамытады. Баскетбол элементтері бар эстафеталарда оқушылар баламалы шешімдерді қимыл идеяларында, стратегиялар мен жоспарларда қолданады.

«Тақырып көлеміндегі әрекеттер»

Оқушылармен сәлемдесу. Түгелдеу. Спорттық кииімдеріне назар аудару. Қауіпсіздік ережесін таныстыру, қайталау.

Бүгінгі сабақтың мақсатымен таныстыру. Бағалау критерийлерін оушылармен бірге құрастыру. Алдағы жұмыстармен таныстыру.

- Жүру жаттығуларын орындау;

- Жүгіру жаттығуларының түрлерімен жаттығу;

- Жылдамдыққа жүгіру;

- Тынысты қалыпқа келтіру

Одан кейін шеңбер бойына тұрып ЖДЖ орындайды. Шеңбер бойындағы әр оқушы бір-бір жаттығудан айтып, санақ бойынша орындатқызады.

Бағалау: Оқушылар тарапынан берілген ақпаратқа мадақтау арқылы қолдау көрсету.

«Топтағы шығармашылықты дамытуға бағытталған ойындар» «Қызыл жалау» ойынын ойнату

Оқушылар тең екі командаға бөлінеді. Әр топтың өзінің жалауы болады. Алаң ортасынан үлкен сызық сызылып, екі топ екі алаңға орналасады. Әр топтың міндеті қарсы бетке өтіп, қарсы топтың жалауын өз алаңына алып келу. Ойыншылардың мақсаты алаңдарындағы белгілі аймақтағы өз жалауларын қорғау, қарсы топқа алып кетуге кедергі болу. Егер ойыншылар қарсы алаңға кіріп, сол алаңның ойыншылары ұстап алса, онда ол ойыншы жансызданып, жерлеп отырады. Оған өзінің командасының ойыншысы келіп, қол беру арқылы ойынға қайта қоса алады. Ойын уақытқа ойнатылады.

Ойын оқушылардың жылдамдық, ептілік, шапшаңдық дағдыларын дамыту мақсатында ойнатылады. Ойыншылар бір-бірін қуып жету арқылы жүгіру дағдылары дамиды.

«Шатасты шеш» ойынын ойнату.

Жүргізуші таңдалады. Оқушылар бір-бірінің қолынан ұстап шеңбер құрайды. Жүргізуші теріс қарап тұруы керек. Сол кезде оқушылар шеңберді бірінің үстінен бірі өтіп шатастырады. Оқушыларға ұстаған қолдарын үзуге тыйым салынады. Осыдан кейін жүргізуші шеңберді үзбей, бастапқы қалыпқа қайтаруы керек.

Қорытынды жасау. Бағалау.

Ойын аяқталған кейін, ойынды қорытындылау. Яғни, ойын барысындағы кемшіліктерді, қателіктерді ортаға салу. Оқушылардың іс-әрекетін, шағырмашыл қабілеттерін бағалау. Мақтау, мадақтау сөздері арқылы оқушыларды ынталандыру, қызығушылықтарын ояту.

Сұраңыз: Қандай ойындар сіздердің көңіл күйілеріңізге және өздеріңізді сергек сезінуге көмектеседі?

Қозғалмалы ойындардың тәрбиелік міндеттері.

Көп жағдайда қозғалмалы ойындар төмендегі дене қасиеттерін тәрбиелеуге жағдай жасайды, олар: шапшандық, ептілік, күш, шыдамдылық, икемділік (иілгіштік) және бұдан да маңыздысы, бұл дене қасиеттері комплексте (жинақта) дамытылады. Қозғалмалы ойындардың көпшілігі қатысушылардың шапшандылықты талап етеді. Бұл дыбыстың, көру, тактильді белгілерге шұғыл жауап беру қажеттілігіне құрылған; шұғыл тоқтау, кідіру және қозғалысты жандандыруы бар ойындар, қысқа уақыт ішінде үлкен емес ара-қашықтықты жеңіп шығуға бар ойындар.

      Ойындағы үнемі өзгеруші күш-жай, қатысушылардың бір қозғалыстан екіншісіне жылдам ауысуы ептілікті дамытуға әсер етеді.

Күш пен энергияның көп жоғалуына алып келетін үнемі қозғалыстың белсенділігі және қуаты қозғалыстардың көп қайталануы бар ойындар шыдамдылықты дамытуға әсер етеді.

      Қозғалыс бағыттары жиі ауысумен байланысты ойындарда иілгіштікті жетілдіру жүзеге асады.

Күтілетін нәтиже:

- Негізгі қозғалыс дағдыларын меңгеру;

- Қозғалыс үйлесімділігі мен нақтылықты меңгеру;

- Зерттеушілік дағдылардың пайда болуы;

- Спорт түрлеріне, дене жаттығуларына, қимыл-қозғалыс ойындарына деген қызығушылықтың оянуы ;

- Талдау, таңдау, достық қарым-қатынас орнату мен біріккен іс-әрекет жасай білу

Рефлексия. Сабаққа берілетін кері байланыс.

Бүгінгі өткізілген сабақтан оқушылардан кері байланыс алу. Сабақтан алған әсерлерін қағаздарға жазу немесе жесттер арқылы бағалауды сұрау.